西北雨直直落，鯽仔魚蔔娶某。
鮕鮐兄拍鑼鼓，媒人婆仔土虱嫂，
日頭暗揣無路，趕緊來火金姑，
做好心來照路，西北雨直直落。
西北雨直直落，白鷺鷥來趕路。
搬山嶺過溪河，找無岫跋壹倒，
日頭暗蔔怎好，土地公土地婆，
做好心來帶路，西北雨直直落。
瘦醜仔
瘦醜仔猴，鼻那流，食芎焦，配土豆，
食西瓜，配菜頭，毋是吐，著是漏。
烏頭仔車
烏頭仔車，車甘蔗，頂頭坐壹個阿舍。
流鼻蚵，掛目鏡，腹肚枵，坐未正，跋落來，哀哀痛。
新年歌
初壹早，初二巧，初三困到飽，初四頓頓飽，
初五隔開，初六挹肥，初七七元，初八原金，
初九天公生，初十有食食，十壹請囝婿，
十二查某囝轉來拜，十三食泔糜仔配芥菜，
十四結登棚，十五上元瞑，十六拆燈棚。
搖囝歌
搖啊搖，阿媽鬥挽茄，挽偌濟，挽壹飯籬，
也欲食，也欲賣。
阿公仔講欲滾，滾爛爛，壹人分壹半，
滇滿滿，壹人食壹碗。
天烏烏
天烏烏，欲落雨，鯽仔魚，欲娶某，
魚擔燈，蝦拍鼓，水雞扛轎大腹肚，
田螺舉旗叫艱苦。
十二生肖相歌
壹鼠賊仔名，二牛駛犁兄。
三虎爬山坪，四兔遊東京。
五龍皇帝命，六蛇予人驚。
七馬走兵營，八羊食草嶺。
九猴爬樹頭，十雞啼三聲。
十壹狗仔顧門埕，十二豬是菜刀命。
西北雨
西北雨，直直落。鯽仔魚，欲娶某。
鮕代兄，拍鑼鼓。媒人婆，土虱嫂。
日頭暗，尋無路。趕緊來，火金姑。
做好心，來照路。西北雨，直直落。
西北雨，直直落。白鷺鷥，來趕路。
翻山嶺，過溪河。尋無巢，跋壹倒。
日頭暗，欲怎好。土地公，土地婆。
做好心，來帶路。西北雨，直直落。
坐牛車
坐飛機看天頂，坐大船看海湧，坐火車看風景。
坐汽車錢卡省，坐牛車順續挽龍眼。
ABCD
ABCD狗咬豬，阿公仔坐飛機，
摔壹下冷吱吱，叫醫生來***伊醫，
醫壹下腳骨大細枝，醫壹下腳骨大細枝 。
放雞鴨
壹放雞，二放鴨，三分開，四相疊，五搭胸，
六拍手，七圍墻，八摸鼻，九扭耳仔，十拾起，
來啊！來啊，放雞鴨，雞仔鴨仔，走相拍。
點仔點
點仔點水缸，啥物人仔放屁爛尻川，
點仔點茶甌，啥物人仔下暗欲來阮兜，
點仔點茶鼓，啥物人仔下暗欲娶某，
點仔點茶叮當，啥物人仔下暗欲嫁翁，
點仔點鉛筆，啥物人仔欲做白賊七，
點仔點滾水，啥物人仔就去做鬼。
月光光
月娘月光光，老公仔佇菜園，
菜園掘松松，老公仔欲種蔥，
蔥無芽，欲種茶，茶無花，欲種瓜，
瓜無子，老公仔氣甲欲死。
十二生肖相歌
壹鼠賊仔名，二牛駛犁兄。
三虎爬山坪，四兔遊東京。
五龍皇帝命，六蛇予人驚。
七馬走兵營，八羊食草嶺。
九猴爬樹頭，十雞啼三聲。
十壹狗仔顧門埕，十二豬是菜刀命。
壹的抄米香(流傳念謠)
壹的抄米香，二的抄韭菜，三的強強滾，四的抄米粉。
五的五將軍，六的六子孫，七的蚵仔飼面線，
八的講伊蔔分壹半，九的九嬸婆，十的撞大鑼。
打妳千打妳萬，打妳壹千零五萬，羞羞羞袂見笑，
猜輸唔甘願，玩輸起蝦龜，唔甘願起蝦龜，
我蔔來去投老師，投老師。
壹年仔倥倥(傳統念謠)
壹年仔倥倥，二年仔孫悟空，三年仔吐劍光，
四年仔愛膨風，五年仔上帝公，六年仔閻羅王，閻羅王。
壹歲兩歲手裏抱
壹歲兩歲手裏抱， 三歲四歲塗跤脞。
五歲六歲漸漸大，有時頭燒佮耳熱。
七歲八歲真爻吵，壹日顧伊兩支跤。
九歲十歲教針黹，驚伊四界去經絲。
十壹十二著拍罵，此去著那學做衫。
十三十四學煮菜，壹塊桌面辦會來。
十五十六蔔轉大，驚伊綴人去風花。
十七十八做親情，壹半歡喜壹半驚。
十二生相
壹鼠，賊仔名，二牛，駛犁兄，三虎，爬山崎，四兔，遊東京，
五龍，皇帝命，六蛇，互人驚，七馬，跑兵營，八羊，食草嶺，
九猴，爬樹頭，十雞，啼三聲，十壹狗，吠契兄，十二豬，菜刀命。
大箍呆(傳統念謠)
大箍呆哎喲白目眉，無人請妳就家己來。
來來大箍呆炒韭菜，燒燒壹碗來，冷冷阮無愛。
大箍呆炒韭菜，燒燒壹碗來，冷冷阮無愛。
大箍呆，到今妳才知，到今妳才知。
大頭旺仔壹粒珠(傳統念謠)
大頭旺仔伊都壹粒珠，相打唔認輸。夯竹篙托金龜，金龜壹下飛。
哎喲大頭旺放風吹，風吹斷了線。大頭旺仔家夥，哎喲去壹半。
火金姑(傳統念謠)
火金姑來食茶，茶燒燒，食根蕉。根蕉冷冷，食龍眼。
龍眼愛撥殼，換來食藍菝仔，藍菝仔全全籽，
害阮食壹下落喙齒，害阮食壹下落喙齒。
天烏烏(臺灣北部民謠)
天烏烏，蔔落雨，阿公仔夯鋤頭仔蔔掘芋。
掘啊掘，掘啊掘，掘著壹尾辿鰡鼓，咿呀嘿都真正趣味。
天烏烏，蔔落雨，阿公仔夯鋤頭仔蔔掘芋。
掘啊掘，掘啊掘，掘著壹尾辿鰡鼓，咿呀嘿都真正趣味。
阿公仔蔔煮鹹，阿媽仔蔔煮汫。
二個相拍弄破鼎，咿呀嘿都啷當叱當嗆，哇哈哈。
阿公仔蔔煮鹹，阿媽仔蔔煮汫。
二個相拍弄破鼎，咿呀嘿都啷當叱當嗆，哇哈哈。
弄破鼎，弄破鼎，弄破鼎，咿呀嘿都啷當叱當嗆，
哇哈哈，哇哈哈，哇哈哈，哇哈哈。
(天烏烏是臺灣北部民謠。原是壹種順口溜的童謠念詞，內容詼諧有趣，鄉土色調極濃。據稱發源於終年梅雨，臺灣金瓜石壹帶。)
火車
火車蔔行東港橋，愈行愈走愈咧叫，
壹聲短來，壹聲長，真賢搖。
搖壹下來，搖壹下去，嗶噗趒(tio5)。
火車蔔行西螺橋，愈行愈走愈愛搖，
鶯歌若過是板橋，真賢搖。
打馬膠(臺灣童謠) 施福珍詞曲
打馬膠，粘著跤，叫阿爸，買豬跤，
豬跤箍仔，滾爛爛，飫鬼囡仔流喙涎。
臺灣出甜粿
餵、餵、餵，臺灣出甜粿。甜粿真好食，臺灣出木屐。
木屐真好穿，臺灣出鵁鴒。鵁鴒會講話，臺灣出棉被。
棉被甲會燒，臺灣出芎蕉。芎蕉真大枇，臺灣出蕃薯。
蕃薯會止饑，臺灣出飛機。臺灣真爻飛，臺灣出鼓吹。
鼓吹真爻陳，灣出炸彈。炸彈真厲害，歹人唔敢來。