諧趣壹：
知唔知男人有幾多種叫法？其實我自己都唔知，因為多到數唔清，下面就列舉幾個：
最正路就系叫男人
社交稱呼都叫先生
死咗老婆嘅叫寡佬
中意呃女仔嘅叫金魚佬
下流猥瑣嘅叫鹹濕佬、麻甩佬
鄉下嚟嘅叫鄉下佬
國際友人叫鬼佬
有啲女仔氣嘅叫乸型
唔中意女人而中意男人嘅叫基佬
條件好嘅未婚男士叫鉆石王老五
冇女朋友嘅光棍（喺BBS叫光光)
諧趣二（IIA級）：
其實粵語用嚟鬧人嘅非粗口都有幾多詞咖，下面摘錄咗壹少部分，不過妳哋千其唔好亂咁用哩啲詞鬧人啊。
“茂裏”——指傻傻地嘅人。
“木嘴”——同“茂裏”其實差唔多意思，都系指壹個人傻傻呆呆，不過木嘴側重於形容壹個人嘅外表，而茂裏側重於形容壹個人的內在。
“粉腸”——“粉腸”系當妳睇唔順壹個人時用嚟形容佢嘅，意思都系話佢唔叻得去邊。
“頂妳個肺”——處於粗口嘅邊界，意思同某壹個粗口詞差唔多，不過語氣較輕。
“廢柴”——形容壹個人系廢物。
“碌葛”——形容人好似粉葛壹樣呆笨。
“水魚”——俾人揾笨嘅人。
“懵盛盛”、“昂居”——蒙查查
“賣剩蔗”、“蘿底橙”——大姑娘30幾歲都仲未有如意郎君，咁就叫賣剩蔗、蘿底橙喇。
“收皮”、“收爹”——都有叫人收聲，滾開嘅意思。
“孤寒”——吝嗇,縮骨。
“拾下拾下”——“傻下傻下”，傻傻地。
“洗衫板”——唔使問都知道系形容身材差嘅女士啦。
“死蠢”——相信系人都知道系好唔耐煩咁鬧人地蠢啦。
“瘦骨仙”——形容人瘦骨嶙峋。
“騎咧”——形容古靈精怪嘅人。
“Call Lao Ye”——我都唔知哩幾個字點打，不過哩個詞大家都應該聽得唔少，系“豈有此理”嘅意思。
教住咁多先算嘞，費事妳哋學壞。
諧趣三：
歇後語欣賞
雞食放光草——心知肚明
山草藥——噏得就噏
繡花袋仔——人人啱
屎坑關刀——文（聞）唔得，武唔得
天堂尿壺——全神貫註
神臺貓屎——神憎鬼厭
諧趣四：
表示“行、走”有幾種講法？
松：“松人”，走得開心，走得願意
撇：單用，壹個“撇”字就可以表示“我走了”嘅意思，《大話西遊》裏面就系用哩個“撇”字表現唐僧講嘢嘅簡短。
猛：我唔知哩個字嘅標準寫法系唔系咁樣，不過哩個字其實同個“撇”字完全壹樣意思。
閃：如果自己話“閃開”，就有“逃走”嘅意思，如果人地叫妳“閃開”，就有趕妳走嘅意思。