門腳壹叢梨，數來數去三百個，俺厝阿兄會娶（cua）畝，（cua）個畝哩無下巴（hai）.
天頂壹只鵝，阿弟有畝阿兄無，生個奴仔叫大伯，大伯叫著無奈何。
包袱打起過禪羅，bu(哨)壹下響，船壹下開，死絕親人無來追。
月娘月光光，秀才郎，騎白馬，過陰登。
陰登水深深，壹群娘仔來載金，載無金，載觀音。
觀音愛吃好茶哩來抓，東攏東攏山。
東攏個資娘矮打扮，打扮娘夫去做官。
愛去草鞋穿雨線，愛來白馬掛金挽。
潮州風景好風流，十八梭船廿四洲，廿四樓臺廿四樣，二只鉎牛壹只溜，潮州風景好蕩跎，十八梭船廿四朵，廿四樓臺廿四樣，二只鉎牛壹只溜。
竹筍仔，
腳短短，
做人新婦嘴學好，
夜昏暗睡早走起，
頭毛梳光人呵羅。
長莢豆，
腳尖尖，
做人新婦嘴學甜，
夜昏暗睡早走起，
頭毛梳光無人嫌。
正月正，新仔婿，上客廳。
二月二，老媽仔，入庵寺。
三月三，桃仔李仔夠妳擔。
四月四，桃仔李仔耐妳臂。
五月五，龍船仔，滿溪櫓。
六月六，新米飯，脹到目。
七月七，多撚(山撚子)烏，龍眼襞。
八月八，書冊糕，青哩(不停地)截
九月九，風琴（風箏）仔，滿天走。
十月十，尖擔仔，四處插。
十壹月十壹，家家戶戶買紙筆。
十二月十二，收番批(海外親人的寄款)，預（準備）過年。