別 名：威威
生 日：10月10日
星 座：天秤
曾任職公司：
TVB(1971年3月-1991)
ATV(1992-1993)
TVB(1994-現在)
入行年份：1971年
資歷：林保全是壹個相當資深的配音員，他於1971年入行，配過的角色不計其數，當中最為人所津津樂道的是是他所演繹的叮當，曾於90年代初期過檔ATV，不久後回歸TVB。現擔任TVB配音部領班壹職兼配音員。
配演動畫經典角色：
叮當／哆啦A夢 《叮當／哆啦A夢》 [TVB]
林源三 《足球小將》 [TVB]
阿綠 《我系小忌廉》 [TVB]
熊貓博士 《成語動畫廊》 [TVB]
天津飯 《龍珠》 [TVB]
紫龍 《聖鬥士星矢》 [TVB]
加菲貓 《大食懶加菲貓》 [TVB]
勒姆尼 《NG騎士》 [ATV]
修羅王·修羅頓 《天空戰記》 [ATV]
春日恭介 《橙路(重配)》 [ATV]
山田全藏 《忍者亂太郎》 [TVB]
鹿谷葉三 《為食龍少爺》 [TVB]
草剃 護《種子特務》 [TVB]
飛影 《幽遊白書》 [TVB]
梁師範 《抵死泰山》 [TVB]
中劍 《皇家雙妹嘜》[TVB]
永澤君男 《櫻桃小丸子》 [TVB]
結城晶 《快打旋風》 [TVB]
目暮sir 《名偵探柯南》 [TVB]
子龍 《中華壹番》 [TVB]
甲蟲獸、玄內老人 《數碼暴龍》 [TVB]
剛田萬太郎博士 《超級小黑咪》 [TVB]
小妖獸、墮天地獄獸 《數碼暴龍03》 [TVB]
基路比獸 《數碼暴龍04》 [TVB]
校長 《外星BB撞地球》 [TVB]
颯 《白雪戰士》 [TVB]
自來也 《火影忍者》 [TVB]
保利斯 《星夢美少女》 [TVB]
大將 《哈姆太郎》 [TVB]
艾薩克?桑達克《變形金剛進化版》[TVB]
曾配演著名劇集／電影角色：
胡天明 《康熙微服私訪記》 [TVB]
吳三桂 《小寶與康熙》 [TVB]
和珅 《鐵齒銅牙紀曉嵐》系列 [TVB]
姜德久 《大長今》(及動畫版) [TVB]
彩晶父 《宮》 [無線收費電視臺]
配音心得：
關於叮當，我幫叮當配音都有差唔多25年喇，當初冇諗到佢會咁紅，都算系有成功感。但系當時配都幾難，因為經常要用中氣將聲音拉高，以達到細路仔嘅效果，後來我先知道日本嗰邊系由女人配音嘅。
關於長今，大長今嘅義父姜德久，因為韓文原聲好誇張，所以我亦會按呢個腔調，例如壹見到長今就會好緊張噉叫“長今啊！長今……”，盡量貼近角色。
配卡通畀配人戲有更多發揮，例如可以加壹啲時興嘅口頭禪，好似“飲個茶食個包”噉樣。聽起嚟比較搞怪。
某位FANS所寫：
1971年入行，三十幾年嘅配音員生涯，林保全嘅聲音真系陪伴咗好多香港人嘅成長，直到九十年代初，廣東可以睇到香港電視臺，從此，佢嘅聲音亦陪伴著我哋。
林保全，壹諗起佢把聲我就笑······哈哈哈······當叮當畀大雄激親而發嬲嗰陣、當加菲貓冇厘精神講啲搞笑對白同搞搞震嗰陣，當和珅畀紀曉嵐戲弄而發出哭笑不得嘅笑聲同尷尬嘅表情嗰陣，壹諗起呢啲情景同場面我就喺度笑······林保全實在系壹個好擅長配搞笑角色嘅配音員啊！
講起林保全，就壹定要提到叮當。林保全幫叮當配音有差唔多25年，當年壹開始嗰陣就睇林保全配音嘅叮當嘅嗰啲人，依家都已經系成年人啦！我諗佢哋對林保全壹定有好深嘅感情，其實唔單只佢哋，我哋都系······有香港網友話：“冇林保全配音嘅叮當我系唔會睇嘅。”呢個系香港人對林保全配音嘅叮當嘅感情，實在系好深。的確，冇咗林保全配音嘅叮當系唔可以想象嘅，人氣壹定會下滑，可以講喺大家嘅心目中，林保全就系叮當······
林保全所演繹嘅加菲貓亦都系好得人中意嘅角色，其中當然有林保全嘅功勞。試諗壹下，如果系大陸嗰啲所謂嘅“配音員”配嘅加菲，會有人中意咩？魅力壹定會大打折扣！我聽過，真系慘不忍聽······林保全配音嘅加菲就唔同喇，配得好生鬼、好搞笑，用壹種好似瞓唔醒嘅語氣同聲調去配加菲，實在系好配合加菲嘅性格－－成條懶蟲噉。
林保全為不計其數嘅動畫角色配音，其中有相當壹部分系主角，例如《種子特務》嘅 草剃、《鬼神童子》嘅前鬼等等，都系配得相當好。不過佢為壹啲年輕嘅角色配音，我就覺得佢把聲顯得有啲老喇。例如飛影、《餓狼傳說》嘅泰利等。
喺洪金寶八、九十年代嘅電影入面，林保全系洪金寶嘅專用配音員，大家喺睇洪金寶嘅電影嗰陣有冇覺得呢把聲好似叮當嘅聲呢？配和珅簡直系入木三分，將和珅嘅狡猾、奸詐同搞笑嘅壹面都表現曬出嚟，勁！林保全亦系明珠臺播嘅電影入面，荷裏活男星佐治古尼嘅專用配音員(因為我經常都睇明珠臺嘅電影，所以知道······)，喺呢個角色入面，林保全嘅聲音多咗幾分性感，應該系為咗配合佐治古尼呢個有型中年男人嘅氣質，總之我系噉樣覺得嘅。
多謝林保全，佢為我哋帶嚟咁多美好嘅回憶，呢啲回憶將會成為我人生嘅壹部分······同時緬懷壹下盧素娟。叮當同大雄，林保全同盧素娟，我壹定會記住妳哋······