適合粵語朗誦的詩歌如下：
1、詠“蘇武”： 麒麟犽乍後生哥，磨利張刀去講和。 狗屁檄文攻鼻辣，龍頭拐杖甩毛多。既然飲奶都能飽，使乜吞冰得咁傻。 精仔亞陵唔識趣，偏偏提起個番婆。
2、詠秦二世： 夠之大癮火麒麟，呢件龍袍重幾新。 未必乖哥唔識鹿，果然太監系閹鶉。壹堂鼻涕真衰仔，二世頭銜咁嚇人。 點估江山全送嗮，亡秦應晌亞胡身。
3、詠範增： 老貓燒剩幾條須，悔恨當年眼冇珠。 濕水馬騮唔過玩，爛泥菩薩點能扶。明知屎計專兜篤，重想孤番再殺鋪。 壹自鴻門佢錯過，神仙有篾亦難箍。
4、詠嚴光： 釣魚釣得咁沙塵，褸塊羊皮重幾斤。 皇帝孖鋪真闊佬，先生反瞓系星君。偶然冚被橫伸腳，有個開窗屹起身。 慌到鼻歌窿冇肉，原來佢會睇天文。
5、打麻將： 買齊幌子當孤番，跌落天嚟幾咁閑。 拼命做成清壹色，絕張摩起大三翻。尾糊整定輸家食，手氣全憑旺位搬。 邊個龜公唔好彩，十鋪九趟畀人攔。
6、七律《垓下吊古》： 又高又大又嵯峨，臨死唔知重唱歌。 三尺多長鋒利劍，八千靚溜後生哥。